Sastojci za 10 granola bars

200gr urmi  (Bonella)

44gr (1/4 šolje) meda

64gr (1/4 šolje) putera od kikirikija (Bonella ili Voli)

112gr badema

135gr ovsenih pahuljica (Bonella, Voli, zdrava hrana)

pola kašičice cimeta

Može se dodati bilo koje suvo voće (grožđice, brusnice itd.)

Posebno, u blender izmrviti svježe urme tako da se dobije smjesa slična tijestu (oko 1 minut). Ostaviti po strani. Posebno izmrviti bademe, ali ne previše. Otprilike tako da se jedan badem podijeli na 5/6 djelova. Nakon toga spojiti pahuljice, urme i bademe u odvojenu veću posudu. Zagrijati med i puter od kikirikja na slaboj vatri uz stalno miješanje i tu kada se smjesa otopi dodati ostale sastojke koje ste odvojili ranije. Nakon što sastojke sve dobro izmiješate na veoma slaboj vatri treba ih prebaciti u pleh/kockastu posudu veličine 20×20 cm (ili slično) koji ste prethodno obližili „pek“ papirom. Izravnati površinu smjese nečim teškim (može čašom ili teglom)*. Prekriti folijom i ostaviti u frižideru oko pola sata. Isjeckati na jednake djelove. Granola bars se mogu čuvati nekoliko dana na sobnoj temperaturi ili u frižideru.

Uživajte u zdravoj užini!

*Prije nego što krenete da ravnate kolač dnom čaše prekrijte ga „pek“ papirom kako se čaša ne bi lijepila.

Izvor: Minimalist Baker