Ako ste jedni od onih koji pored svih iskušenja uspijevate da vodite zdrav život i tokom praznika, onda je ovo pravi slatkiš za vas. Pečene jabuka prelivene puterom od kikirikija se prave za 20 minuta, a pojedu za dva :).
2-3 jabuke
1 kašika istopljenog putera
2 kašike braon šećera
1/2 šolje putera od kikirikija
1 kašika cimeta
1/2 šolje mlijeka
Ovaj post je pisan u saradnji sa IDEA marketima gdje možete kupiti puter od kikirikija :)!
- Jabuke isjecite na tanke komade kao na slici, pa ih poređajte na pek papir. Premažite istopljenim puterom i pospite jednom kašikom šećera. Stavite da se peku u zagrijanu rernu. Jabuke je potrebno peći oko 10 minuta na 170 stepeni. Nakon 10 minuta, okrenite jabuke na drugu stranu i ostavite da se peku još 5 minuta.
- Dok se jabuke peku na laganoj vatri istopite puter od kikirikija i dodajte mu cimet i šećer. Kada se puter istopi sklonite šerpu sa vatre, pa dodajte mlijeko i preliv lagano umutite mikserom. Mlijeko sipajte polako dok ne dobijete gustinu preliva koju želite.
Uživajte!
hedonista.me 