Vrijeme pripreme: 1 h  ♦  Težina: Srednje 

---

Nakon puno slatkiša, evo nešto i za ručak! 🙂 Zeleni rižoto sa grilovanom piletinom je zdrav obrok koji možete lako spremiti i poslužiti uz čašu crnog vina.

Za 2 osobe potrebno vam je:

170 gr riže

 1 kockica za supu od povrća

50 gr graška

svežanj svježeg peršuna

30 gr narendanog parmezna

1 tikvica

1/2 manjeg crnog luka

1 čen bijelog luka

1/2 čaše bijelog vina

maslinovo ulje

4 komada pršute

4 parčeta pilećeg bijelog mesa

so i biber

Sve sastojke za ovaj recept, kao i uvijek, možete naći u IDEA marketima!

1. Nasjeckati tikvicu na kolutove, i potopiti komadiće u ključalu vodu na 1 minut. Grašak i peršun takođe potopiti u ključalu vodu na 1 minut. Procijediti i ostaviti sa strane.
2. Stavititi kockicu za supu u ključalu vodu. Kada se kockica istopi dodati rižu i kuvati po instrukcijama sa kutije.
3. Piletinu posuti maslinovim uljem, posoliti i pobiberiti, pa ostaviti sa strane.
4. Kada je riža skuvana procijediti je i prebaciti u veći tiganj. Dodati joj vino, crni luk, grašak, tikvice, peršun i parmezan. Miješati na laganoj vatri oko 5 minuta ili dok vino ne ispari.
5. Dok se riža krčka ispržiti piletinu.
6. Nasjeckati bijeli luk, pa pustiti da se prži na maslinovom ulju oko 2 minuta. Zatim dodati komadiće pršute i pržiti po nekoliko minuta sa obje strane.
7. Poslužiti kao na slici.

Uživajte!