Kreću hladi dani i mračna jutra za nas koji se već oko 6 ujutro borimo sa alarmom. Ja sam velika spavalica, pa mi spremanje doručka radnim danima nije baš omiljena aktivnost. Kako bih spavala 10 minuta duže, a ipak jela super ukusan i zdrav doručak odlučila sam da napravim domaće granola pahuljice koje samo pospem mlijekom!
Potrebno vam je:
250 gr ovsenih pahuljica
100 gr koštunjastog i suvog voća (ja sam koristila orahe, brusnice i sjemenke)
85 gr putera od kikirikija
60 ml meda
3 kašike kokosovog ulja
2 kašičice vanilinog ekstrakta
3/4 kašičice soli
1 kašičica cimeta
30 gr kokosovog čipsa
- Zagrijati rernu na 150 stepni i pripremiti pleh sa pek papirom.
- Pomiješati ovsene sa suvim, koštunjastim voćem i kokosovim čipsom.
- U manjoj šerpi pomiješati puter od kikirikija, ulje od kokosa, meda, vanilin ekstrakt i cimet. Na laganoj vatri istopiti i sjediniti sastojke uz stalno miješanje.
- Preliti ovsene i voće sa smjesom od kikirikija, pa rasporediti po plehu.
- Peći oko 20 minuta.
Uživajte!
hedonista.me 